آج ہم اُردو میں تعلیم کی اہمیت پر مضمون فراہم کرنے جا رہے ہیں۔ یہ مضمون ان طلباء کی مدد کر سکتا ہے جو تعلیم کی اہمیت کے بارے میں جاننا چاہتے ہیں۔ یہ مضمون یاد رکھنے میں بھی آسان ہے۔ اس مضمون کو آسان اور سادہ الفاظ میں لکھا گیا ہے لہذا کوئی بھی طالب علم اس موضوع پر لکھ سکتا ہے۔
تعلیم کی اہمیت پر مضمون
تعلیم انسانوں اور جانوروں کے درمیان واضح فرق پیدا کرتی ہے اور انسان کو تمام مخلوقات میں سب زیادہ ذہین ثابت کرتی ہے۔ یہ کہنا بھی غلط نہ ہوگا کہ زندگی کو بدلنے کا سب سے اہم ذریعہ تعلیم ہی ہے۔ یہ ہماری سماجی اور معاشی حیثیت کو بھی بہتر بناتی ہے۔ تعلیم انسان کے علم، ہنر، شخصیت اور رویہ کو نکھارتی ہے۔
اس سب کے علاوہ، تعلیم لوگوں کے لیے روزگار کے مواقع بھی فراہم کرتی ہے کیونکہ ایک اعلیٰ تعلیم یافتہ فرد کو اچھی نوکری ملنے کا امکان بہت زیادہ ہوتا ہے۔
تعلیم کی اہمیت
تعلیم خوراک کی طرح ہی انسان کے لئے ضروری ہے۔ آج کے دور میں تعلیم کے بغیر کامیابی کا تصور بھی نہیں کیا جا سکتا۔ تعلیم کسی بھی قوم کی سماجی و اقتصادی ترقی کے لیے کافی اہم ہوتی ہے۔
تعلیم ایک فرد کو کام کرنے اور زندگی میں سبقت حاصل کرنے کے لیے بہتر سہولیات فراہم کرتی ہے۔ یہ ایک صحیح راستہ دیکھا کر انسان کو کامیابی کی طرف لے جاتی ہے اور یوں وہ اعلیٰ خود اعتمادی حاصل کرتا ہیں اور خوشگوار زندگی سے لطف اندوز ہوتا ہے۔ دوسری طرف، ان پڑھ لوگ احساس کمتری کا شکار ہو جاتے ہیں اور زندگی میں کبھی کامیاب نہیں ہوتے۔
ایک تعلیم یافتہ قوم اپنی نئی نسل کی پرورش ایک ان پڑھ قوم سے کہیں بہتر کر سکتی ہے۔ پڑھے لکھے لوگ اپنی قوم کی خوشحالی میں کافی اہم کردار ادا کرتے ہیں۔ یہی وجہ ہے کہ تعلیم ایک مضبوط اور مستحکم قوم کا ستون ہوتی ہے۔
تعلیم ہمارے خیالات کو بھی تبدیل کرتی ہے۔ زندگی میں ہمیں کئی مشکلات کا سامنا کرنا پڑتا ہے لیکن تعلیم ان مشکلات سے نمٹنے میں ہماری مدد کرتی ہے۔ تعلیم ہمارے معاشرے سے مختلف سماجی برائیوں جیسے کہ جرائم، چھوٹے بچوں کی شادی، اور نا انصافی وغیرہ کو بھی دور کرتی ہے۔ مجموعی طور پر، ہم اپنی زندگی میں تعلیم کی اہمیت سے انکار نہیں کر سکتے۔
معاشرے کے لیے تعلیم کے فوائد
معاشرے اور قوم کی ترقی کا دارومدار تعلیم پر ہوتا ہے۔ صرف ایک تعلیم یافتہ طبقہ ہی بہتر معیار زندگی کی قیادت کر سکتا ہے۔ پائیدار ترقی، ٹیکنالوجی کا نفاذ اور تعمیری سیاسی و سماجی تبدیلی صرف تعلیم سے ہی ممکن ہے۔ لہذا، یہ معاشرے کی اصلاح اور تعمیر میں بھی کافی معاون ہوتی ہے۔
تعلیم زندگی کے ہر شعبے میں اہم ہوتی ہے۔ اس کی کمی انسان کو مجرمانہ سرگرمیوں کی طرف دھکیل دیتی ہے۔ غلط کاموں میں ملوث ہونا نہ صرف ایک شخص کی زندگی کو متاثر کرتا ہے بلکہ یہ جہالت ایک معاشرے کے زوال کا بھی سبب بنتی ہے۔
تعلیم سے ملک میں امن و امان برقرار رکھنے میں مدد ملتی ہے۔ اچھی تربیت یافتہ اور تعلیم یافتہ قوم قانون شکنی کے بجائے قانون کی پاسداری کو فروغ دیتی ہے۔ اس طرح معاشرے کا امن و امان برقرار رہتا ہے۔ دوسری طرف، ان پڑھ لوگ نہ صرف قانون شکنی کرتے ہیں بلکہ اپنی ضروریات کو پورا کرنے کے لیے چوری، ڈکیتی، قتل وغیرہ جیسی مجرمانہ سرگرمیوں کو بھی فروغ دیتے ہیں۔ یہ بالآخر معاشرے میں امن و امان کی خرابی کا باعث بنتا ہے۔
تعلیم صنفی مساوات (Gender Equality) میں بھی اہم کردار ادا کرتی ہے۔ ایک تعلیم یافتہ معاشرے میں کسی بھی انسان کو کمتر نہیں سمجھا جاتا، مرد اور عورت دونوں کے ساتھ یکساں سلوک کیا جاتا ہے۔ خواتین سمیت سب کو یکساں مواقع فراہم کیے جاتے ہیں۔ جب کہ ایک ناخواندہ اور جاہل معاشرے میں ایسا کوئی تصور نہیں ہوتا اور خواتین کو ان کے بنیادی حقوق سے بھی محروم رکھا جاتا ہے۔
نتیجہ (Conclusion)
تعلیم جہالت کے اندھیروں میں روشنی کی کرن ہوتی ہے۔ تعلیم اس دنیا پر ہر انسان کا بنیادی حق ہے۔ دنیا کی ترقی کا مکمل انحصار تعلیم پر ہوتا ہے۔ اس لیے ہمیں تعلیم کو فروغ دے کر جہالت کو دور کرنا چاہیے۔ تعلیم کی اہمیت کو واضح کرنے کے لئے، نیلسن منڈیلا نے کہا تھا کہ:
تعلیم سب سے طاقتور ہتھیار ہے جسے آپ دنیا کو بدلنے کے لیے استعمال کر سکتے ہیں۔
تعلیم کی اہمیت پر دس جملے
1) ہماری زندگی میں تعلیم بہت ضروری ہے۔
2) اس کے بغیر ہم اپنی زندگی میں کامیابی حاصل نہیں کر سکتے۔
3) تعلیم ہمارے روشن مستقبل کا ایک اہم ذریعہ ہے۔
4) اس ہتھیار سے ہم اپنی زندگی میں کوئی بھی اچھا مقصد حاصل کر سکتے ہیں۔
5) تعلیم ہمارے علم کو بڑھانے میں مدد کرتی ہے۔
6) تعلیم یافتہ اور ہنر مند لوگ آسانی سے ملازمت حاصل کر سکتے ہیں۔
7) تعلیم میں اضافے کے ساتھ بے روزگاری کی شرح بھی کم ہوتی ہے۔
8) تعلیم معاشرے میں موجود معاشرتی برائیوں سے نجات کا ذریعہ ہے۔
9) یہ ہمیں اپنی قوم کو بہت بہتر بنانے کی صلاحیت فراہم کرتی ہے۔
10) غربت اور ناخواندگی کے خاتمے کے لیے تعلیم کافی ضروری ہے۔
مزید پڑھیے: